მე არ ვარ ქარი…
მე არ ვარ მთვარე
არც მზე ვარ, ჩემო,
ხვალ ჩემი ქალი
დარეკავს ზარებს,
რომ ისევ ვიგრძნოთ
ერთურთის გემო…
მე არ ვარ ღმერთი,
მე არ ვარ სიტყვა,
მე ვარ იდეა…
მყავხარ შენ ერთი,
ეს ადრეც მითქვამს,
შენი გონება
ჩემი კიდეა..
მას არ გავცდები,
ვერ გავიხარებ,
თუ არ გიყურე..
არ გავბაცდები
გავუძლებთ ქარებს,
ცუდის სასმენად
დავიხშობთ ყურებს…
რომ არ გავიგოთ,
არ დავინახოთ
შევიგრძნოთ მხოლოდ,
კოშკი ავიგოთ,
და თავი ვიგრძნოთ
სამყაროს ბოლოდ…
მოხურე კარი,
იყავი ბარემ,
დღეს ჩემი გემი…
შენ არ ხარ ქარი,
შენ არ ხარ მთვარე…
შენ ოცნება ხარ
სათუთი ჩემი…
სამწუხაროდ, პირველი ტურის პასუხი სწორად ვერავინ მომაწოდა… გთავაზობთ მეორე ტურის კითხვას:
ჯონ დონი ამბობდა, რომ ქალის ბედნიერების საიდუმლო არის ერთი ასაკიდან მეორეში დროულად გადასვლა. ასაკი კი ქალს აქვს სამი. დაასახელეთ სამივე…
ჩემო მკითხველო, დღეიდან ჩემი ბლოგი უფრო გაინტელექტუალურდება და უფრო სახალისოც გახდება… მე ყოველ დილით დავსვამ დღის კითხვას… და თქვენ კომენტარებში უნდა უპასუხოთ მას… კვირის ბოლოს კი შევაჯამებ დაგროვილ ქულებს და გამარჯვებულსაც გამოვავლეთ… 
ნუ პრიზები ჯერ არაა, მარა თუ იმ იდეამ გაამართლა რასაც ვფიქრობ, შეიძლება მომავალში პრიზებიც იყოს თვის გამარჯვებულზე…
მაშ, ასე, დღევანდელი დღის (პირველი ტურის) კითხვა:
1. ერთერთი რუსი მწერლის, ვ. სვერჟინის აზრით, ეს ერთადერთი სამკუთხედია, რომელის ყველა კუთხე, გეომეტრიის კანონების საპირისპიროდ, ბლაგვია…
დაასახელეთ სამკუთხედი!
(პასუხები დაწერეთ კომენტარებში)
ვინც არ მიცნობს და ამ პოსტს წაიკითხავს, ალბათ ან ჯანდაცვის მუშაკი ვეგონები, ან უბადლო ჯანმრთელობის მქონე ადამიანი, რომელსაც ცხოვრებაში არ მოუწევია…
ვინც მიცნობს, გაიცინებს და იფიქრებს: ”შენ, უსიგარეტოდ?” ეს იმიტომ რომ მეექსვე კლასიდან სოსკასავით მიდევს პირში სიგარეტის ღერი… და თან სულ მოკიდებული 🙂
თავიდან (მეექვსე-მეშვიდე-მერვე კლასი) ეს უბრალოდ ”მარიაჟობა” იყო… გამჯდარი გვქონდა ჩვენ თაობას, რომ სიგარეტის მწეველი ბიჭი გოგოებს მოსწონთ (პოლნი დურიზმ)… პლიუს ამას, ბიჭებშიც რაღაც ”ვესს” გაძლევდა მოკიდებული სიგარეტით ხელში სიარული… მაგრამ ეს ყველაფერი ბავშვური ხედვაა… აი, ეს ღუპავს მომავალ მწეველთა უმრავლესობას… (more…)
Art-Idea 